టీకాలు మన ఆరోగ్య భద్రతకు మూలస్తంభం

టీకాలు మన ఆరోగ్య భద్రతకు మూలస్తంభం

డా. మౌనిక రెడ్డి

కన్సల్టెంట్ పీడియాట్రిక్ & నియోనాటాలజిస్ట్

కిమ్స్ సవీర, అనంతపురం.

అనంతపురం నవంబర్ 08, అనంత జనశక్తి న్యూస్

మనిషి ఆరోగ్యంగా ఉండాలంటే శరీరంలో రోగనిరోధక శక్తి ఉండాలి. ఇది కావాలంటే వయసురీత్యా మరిచిపోకుండా టీకాలు తీసుకోవాలి. అయితే టీకాలు తీసుకోవడం వల్ల బలహీన పడుతారని, అనారోగ్యాలకు గురవుతారని ప్రజల్లో అపోహాలు ఉన్నాయి. అయితే టీకాల ఆవశక్యకత గురించి ప్రతి ఒక్కరి అవగాహన ఉండాలి. ఇందుకోసం ప్రతి సంవత్సరం నవంబర్ 10వ తేదీన అంతర్జాతీయ రోగనిరోధక దినోత్సవం నిర్వహిస్తారు. ఈ ఏడాది ప్రతి ఒక్కరికీ టీకా అందించడం మానవత్వకంగా సాధ్యమే అనే థీమ్ తో ముందుకు వెళ్తున్నారు.

పిల్లలకు టీకాలు ఎందుకు ముఖ్యం?

పిల్లలకు టీకాలు వేయడం వల్ల కలిగే ప్రధాన ప్రయోజనాలు:

ప్రాణాంతక వ్యాధుల నివారణ: చిన్న పిల్లలలో రోగనిరోధక శక్తి తక్కువగా ఉంటుంది. పోలియో, మీజిల్స్ (తట్టు), కోరింత దగ్గు, టెటానస్ (ధనుర్వాతం), డిఫ్తీరియా, హెపటైటిస్-బి వంటి ప్రమాదకరమైన వ్యాధుల నుండి టీకాలు రక్షిస్తాయి.

తీవ్రమైన సమస్యల తగ్గింపు:

టీకాలు వేయకపోతే ఈ వ్యాధులు న్యుమోనియా, చెవుడు, అంధత్వం, మెదడు దెబ్బతినడం లేదా మరణం వంటి తీవ్రమైన మరియు శాశ్వత వైకల్యాలకు దారితీయవచ్చు. టీకాలు ఈ ప్రమాదాన్ని గణనీయంగా తగ్గిస్తాయి.టీకాల కార్యక్రమాల కారణంగానే పోలియో వంటి వ్యాధులు ప్రపంచం నుండి దాదాపుగా అదృశ్యమయ్యాయి. సకాలంలో టీకాలు వేయడం ద్వారా మరిన్ని వ్యాధులను నిర్మూలించవచ్చు.

టీకా లేకపోతే వచ్చే ప్రమాదాలు

టీకా లేకపోతే పిల్లలు, వయోజనులు వ్యాధులకు గురి కావచ్చు, తీవ్ర గాయాలు, శాశ్వత అవరోధాలు, మరణాలు సంభవించవచ్చును. వ్యాధి ఒకరికి వచ్చిన తరువాత అది మరికొందరికి వెళితే సంపూర్ణ సమాజాన్ని ప్రభావితం చేయవచ్చు.టీకాలు అందరికీ ఎక్కవగా చేరే విధంగా సమాజం, ప్రభుత్వం, ఆరోగ్యసంస్థలు కలసి పనిచేయాలి. టీకా ప్రత్యేకంగా పిల్లలకు కాకుండా వయోజనులు తీసుకోవాలి.తల్లిదండ్రులుగా, మన పిల్లలకు ఉత్తమమైన ఆరోగ్యాన్ని అందించడం మన ప్రాథమిక బాధ్యత.సకాలంలో టీకాలు వేయించండి: మీ పిల్లల టీకా షెడ్యూల్‌ను జాగ్రత్తగా పాటించండి. ఒక డోస్ కూడా తప్పకుండా అన్ని టీకాలు వేయించండి.అపోహలు నమ్మకండి: టీకాల గురించి ఉన్న తప్పుడు సమాచారం లేదా అపోహలను నమ్మవద్దు. ఏదైనా సందేహం ఉంటే, వెంటనే మీ పిల్లల వైద్యుడిని (Pediatrician) సంప్రదించండి.దేశ ఆరోగ్యానికి సహకరించండి: మీ పిల్లలకు టీకాలు వేయడం ద్వారా, మీరు కేవలం మీ బిడ్డను మాత్రమే కాకుండా, సమాజాన్ని కూడా ఆరోగ్యంగా ఉంచేందుకు సహాయం చేస్తున్నారు.ప్రపంచ రోగనిరోధక దినోత్సవం సందర్భంగా, ప్రతి బిడ్డకు సకాలంలో టీకాలు వేయించి, వారికి ఆరోగ్యకరమైన మరియు సురక్షితమైన భవిష్యత్తును అందిద్దామని ప్రతిజ్ఞ చేద్దాం!