మారిషస్ అధ్యక్షుడు ధరమ్ బీర్ గోకుల్ నుంచి చంద్రబాబుకు ప్రశంసలు

విజయవాడ జనవరి 06, అనంత జనశక్తి న్యూస్

గుంటూరు వేదికగా జరిగిన మూడో ప్రపంచ తెలుగు మహాసభల్లో మారిషస్ అధ్యక్షుడు ధరమ్ బీర్ గోకుల్ పాల్గొని, తెలుగు భాష-సంస్కృతుల గొప్పతనాన్ని కొనియాడారు.ఈ సందర్భంగా ఆయన మాట్లాడుతూ,“ఇండియా వచ్చినప్పుడల్లా మీ పేరే వినిపిస్తుంది. ఐటీ అనగానే చంద్రబాబే గుర్తుకొస్తారు” అంటూ ముఖ్యమంత్రి నారా చంద్రబాబు నాయుడును ప్రత్యేకంగా ప్రశంసించారు.మారిషస్‌లో విద్య, ఐటీ రంగాలు, అలాగే తెలుగు భాష-సంస్కృతి అభివృద్ధి కోసం చంద్రబాబు చేసిన కృషి అభినందనీయం అని గోకుల్ పేర్కొన్నారు.తెలుగు భాషాభివృద్ధికి చంద్రబాబు నిరంతరం చేస్తున్న సేవలకు హృదయపూర్వక అభినందనలు తెలిపారు.